大部分大學都會提供綜合工程 General Engineering（亦稱Engineering Science）課程俾對多方面嘅工程科目有興趣嘅學生，而報讀 Oxbridge 嘅同學可以喺 Year 3先揀專科。呢個課程嘅好處就係讓學生廣泛涉獵不同方面嘅工程知識，為未來喺業界發展做好準備，而且可以避免喺高中時對工程系未有全面理解或認清自己嘅興趣就已作出專科選擇。不過相反，學生有機會要讀部分未必有興趣嘅內容。 英國工程專科主要分為：航天工程（Aero），生物工程（Bio），化學工程（Chemical），土木工程（Civi），電子工程 （Electrical & Electronics），機械工程（Mechanical），如果學生一開頭就有清晰嘅意願攻讀某一個專科，可以喺Oxbridge以外嘅大學直接報讀Year 1。所有大學都有自己嘅專科分法，而且選擇一般比香港多！要留意嘅係，唔同大學嘅工程專科，就算課程同名內容都可能有分別，所以學生一定要做足資料搜集，根據自己興趣揀選最適合嘅大學同課程。由於學生由第一年開始specialise，科目嘅深入程度有機