Predicted grades 分分鐘重要過真實成績？! 英國留學生親身分享！

Oscar Chong
15小时前
讀畢需時 3 分鐘

預計成績係咩嚟？報UCAS幾時需要用？

香港嘅中學通常會喺中五期末考試之後，為每位同學預計公開試嘅成績，俾同學審視自己準備公開試嘅進度。如果同學要報 UCAS，就需要喺由推薦人（即係老師）填寫公開試嘅預計成績，俾大學作為參考。

預計成績係咩嚟？報UCAS 幾時需要用？

如果同學要報牛津、劍橋，或者任何大學嘅醫科Medicine、牙科Dentistry 或者獸醫科 Veterinary Medicine 嘅 course, UCAS 嘅截止日期係10月中。為咗預留足夠俾老師填寫推薦部份，同學應該要喺九月中至下旬準備好預計成績。如果學校未喺呢個日期之前公布預計成績，同學就應該搵學校嘅升學輔導組老師，請求佢哋幫你出一個預計成績。

預計成績有咩咁重要？

同JUPAS 唔同，英國大學會用預計成績去判斷你嘅能力。牛劍通常都會睇下預計成績達唔達到最低要求，先決定有冇面試。非牛劍嘅大學，因為大多數冇其他評估或者面試，所以淨係可以透過預計成績、個人陳述同老師推薦去篩選學生。獲得有條件取錄之後，DSE 出嚟嘅成績只要達到大學所訂嘅取錄條件就可以，所以預計成績好多時比真實成績更重要。

預計成績未如理想可以點做？

如果預計成績達唔到最低要求，可以同老師商討，睇下可唔可以調整預計成績。

DSE 同A-Level之間嘅轉換，大約係5*=A*，5=A，所以非牛劍嘅G5，一般向選修科3個5*都足夠，不過對於比較熱門嘅科，例如劍橋自然科學，或者醫科等，就有機會需要喺例如生物、化學等科目拎到5**。另外特別需要留意嘅係，HKSES對於預計成績有比較高嘅要求，一般需要三個5**先有機會有面試。