大學讀咩好？選科五部曲 !
- Oscar Chong
- 12小时前
- 讀畢需時 2 分鐘
發掘個人興趣及能力
由讀緊嘅選修科出發，試諗下你有冇對任何一科好有興趣，想學更多範圍外嘅內容？你而家嘅選修科組合，容許你報咩科？仲係好迷茫/唔想讀而家讀緊嘅科？回億下自己有冇透過睇書、睇YouTube、上堂、課外活動遇到一啲自己有興趣嘅課題？你亦可以從教學角度入手，了解各科嘅教育模式（實驗、解題、寫論文等等）係咪適合自己。
諗遠D！
雖然科目未必會限制就業方向，但假如你已經有嚮往嘅職業，先了解相關科目一定冇錯。從事法律、醫護等職業，往往需要專業學位；而好多行業都比較青睞特定科目嘅畢業生。同學可以留意下感興趣嘅工作需要咩技能，而咩科目可以提供到有閱訓練。此外，喺敲定揀咩科之前，可以考下嗰科畢業生嘅就業方向，咁樣會有個心理準備，更容易規劃未來出路。
上大學網站搵資料
無論有冇方向，都可以上大學嘅官方網站，了解大學開辦嘅課程同課程資料。透過課程大網，會了解到教學內容同形式，更清楚自己適唔適合嗰科。大學課程種類繁多，唔想喺課程列表大海撈針既話，可以輸入有興趣既關鍵字檢索，例如 Economics 。比對各大學各學科：課程網站會推薦相似嘅學科，而嗰啲科目通常會提供相同嘅單元供選修，俾同學比對各個科目嘅課程架構，再做決定。
深度同廣度之間取捨
喺英國大學係冇得副修其他科目，專攻一科可以更深入鑽研自己嘅學科領域，不過亦可以考慮讀雙學科或者跨學科課程。雙學科課程可帶來更多就業機會，並拓展學生理解問題嘅角度，例如歷史與政治，或者歷史與國際關係。有啲大學開設好有趣嘅學科組合—你知唔知哲學係可以拍住物理或者電腦科學一齊讀㗎呢？跨學科課程則更注重廣度同自由度，例如文科類嘅人類、社會及政治學（HSPS）同哲學、政治與經濟（PPE）都係熱門選擇。自然科學則橫跨唔同科學，適合鐘意多過一門科學嘅同學。
同人傾下
除左自己研究，同有經驗嘅人傾下都好有幫助。大家可以試下接觸喺英國讀書嘅校友/師兄師姐，請佢地分享自己揀科嘅經歷、比下意見。唔認識英國留學生嘅話，都可以上IG、Youtube等睇下唔同科目學生嘅分享AAHK亦有舉辦各種活動，包括八月中嘅夏令日營，俾同學同喺英國大學嘅學生交流！官網亦有好多有用嘅資訊，不妨睇吓！
留言