學科懶人包—劍橋讀醫學有咩特別？
- Oscar Chong
- 11小时前
- 讀畢需時 3 分鐘
學科簡介
劍橋大學嘅醫學課程需時六年。頭兩年係pre-clinical studies， 第三年係 intercalated year - 學生可以根據自己興趣修讀多一個學位。最後嘅三年係臨床學習，會喺醫院同埋GP（家庭醫生）診所學習。喺劍橋讀醫學特點包括:
每科設有每星期一次嘅小組教學
每星期一次、兩人一組嘅解剖
Applied anatomy seminars
第三年必須多修讀一個學位
課程著重醫學嘅科學根據，好多教材係research-oriented
課程結構
1st Year：解剖學，生物化學，生理學，醫學社會學、倫理及法律，醫學統計
2nd Year：頭頸解剖學，腦神經科學，藥理學，病理學，生育學
3rd Year： 修讀第二個學位 Intercalated degree，選擇包括生理學，腦神經科學，生物化學，病理學，藥理學，生物及生物醫學，亦可以修讀管理，神學，工程等
一般課業負擔
一年級醫科生每星期嘅 workload:
10 小時 lectures
4 小時 dissections + practicals
3 小時 supervisions（小組教學）
2篇 essays（每篇大約1500字）
課外延伸閱讀
溫習
臨床學生:
臨床學生會到醫院唔同部門實習，而當中四分之一時間會喺GP（家庭醫生）門診裏面學習。課程中會有 student-selected components， 學生能夠自己安排去感興趣嘅部門實習/進行研究工作。課程中亦有electives，學生能到訪其他國家獲取經驗。
就業前景
喺英國醫學院畢業後可以喺英國 National Health Service （NHS） 工作。基於有關海外醫生來港執業嘅新政策，喺劍橋大學畢業而又持有香港身份證嘅醫學生能夠喺英國獲得註冊後，回港以特別註冊安排繼續專科培訓。取得專科資格後，只要喺公立醫院工作至少五年後就能獲得香港嘅正式註冊。
最低入學要求
學院會評核公開試成績、個人陳述、BMAT成績同埋面試表現。每間學院嘅收生標準各有不同，但面試係最重要嘅部份。大部份學院都會進行兩個各30分鐘嘅面試。內容較科學，着重學生批判思維能力。DSE基本入學門檻：所有科目5+選修5*5*5; A Levels 基本入學門檻：A*A*A。請注意以上只係最低要求，唔少學院都會有更高嘅要求。同學必須修讀化學，及生物、物理、數學任何一科；大部份學生會修讀三個科學或數學科目。每個學院對於科目嘅要求都有不同（如Magdalene College要求學生修讀數學）。
**40%昇普計劃上年度5個報讀醫學嘅學員有2個成功獲劍橋大學取錄！為國際考生取錄率的約十倍！
HK VS. UK MEDICINE
劍橋同中大都係subject based，港大係systems based subjects：例如解剖學、生理學 Systems: 19180 CPRS (cardiac, pulmonary and renal system)
劍橋同中大學習模式相似，包括上課、小組教學、解剖，港大額外會有problem based learning
劍橋學生必須修讀多一個學位，港大學生喺增潤年期間（EnrichmentYear）有多修讀一個學位嘅選擇，而中大就沒有必修嘅安排
劍橋學生完成頭三年嘅課程後，中大容許劍橋學生銜接上中大嘅clinical years 嘅課程
國際學生收生限制
值得注意嘅地方係英國醫學院設有國際學生收生限制，每年只可以收錄7.5%嘅國際學生（即每校大約15-25位國際學生）。所以，劍橋每年只會取錄 20-24個國際醫科生。因此，國際學生之間嘅競爭會較本地學生大。雖然競爭較大，這並不代表要獲英國醫學院錄取是不可能嘅任務。學生能夠有四個醫學院嘅選擇，亦即有多次機會被錄取。只要準備充足，表現自己對醫學嘅熱誠，這任務並不是不可能！
香港 VS 英國醫生人工
英國醫生人工的確係比香港少。畢業之後，第一年出嚟做嘢base pay係大約每年£30000。接受 專科訓練大概£40000-£60000。到consultant grade嘅時候可達£120000。當然，醫生會有唔同嘅額外津貼補給，例如喺倫敦工作、加時工作、假期工作等，都會有額外津貼補給。值得注意嘅係英國稅率高，所以take home pay 會再少啲。而根據香港醫管局資料，resident trainees（即接受專科訓練嘅階段）人工每月大約HKD$70000-150000，所以大概係英國嘅三倍！香港副顧問醫生職級（即已專科畢業）人工每月大概HKD＄160000。私人市場方面，英國 consultant grade 嘅醫生都可以邊喺私人市場執業，一邊喺NHS工作。當然在港執業嘅醫生可以離開公營醫療系統，到私營醫院工作。雖然人工係重要嘅，但係同學決定去向嘅時候都唔應該只考慮人工，可從多方面（如醫療文化）考慮。
留言